shoornews.com
Related Articles
لنډيکوتل کې د تورخم دروازې تړلو پر ضد لاريون روان دى.
تورخم ته نږدې د لنډي کوتل ـ امن څلور لاري کې ولسي خلکو د تورخم دروازې تړلو په غبرګون کې لاریون کړی.
لاريونوال (چې د امن سپین بیرغونه هم ورسره دي) د پاکستان او افغانستان له دواړو حکومتونو غواړي چې د جګړې پر ځاى د خبرو اترو لاره غوره کړي.
د پاکستان بهرنیو چارو وزارت ویاندې زهرا بلوچ نن د یو رسنیز کنفرانس پر مهال ویلي، تورخم به تر هغه بند وي، چې تر څو مو امنیتي اندېښنې ختمې شوي نه وي.
هغې زیاته کړې، هر وخت له افغان خاورې پر موږ بریدونه کړي چې اوسمهال مو امریکا او خپل نور ملګري هېوادونه پر دې موضوع خبر کړي.
د تېرې چهارشنبې په ورځ تورخم کې هغه مهال د پاکستاني او طالب ځواکونو ترمنځ جګړه ونښته چې افغان لوري غوښتل یوه پخوانۍ پوسته بیرته فعاله کړي.
دواړه لوري پر یو بل د برید پېلولو تور لګوي.
درېیمه ورځ ده چې د تورخم دروازې دواړو غاړو ته ګڼ مسافر ایسار دي او له ستونزو سره مخ دي.
بلخوا، د افغانستان کورنیو چارو وزارت ويلي چې، هڅه کوي ستونزه د خبرو له لارې حل کړي تر څو راتلونکې کې د داسې پېښو مخنیوی وشي.
