shoornews.com
Related Articles
خوست ولایت کې یوه شپېته کلنه میرمن چې د خپل خاوند له لورې لس کاله په یوه تیاره کوټه کې ساتل شوې وه ازاده شوه.
د خوست امنیه قومندانۍ ویاند مطبوعاتي دفتر ویلي، تېره ورځ (پنجشنبه) د خوست امنیه قوماندانۍ اړوند د ګربزو ولسوالۍ امنیتي ځواکونو د یوه دقیق کشفي راپور پر اساس هغه کس له خپل زوی سره یو ځای نیولی چې خپله میرمن یې پوره لس کاله په خورا بې رحمانه توګه په یوه تیاره خونه کې ساتلې وه.
یاد دفتر ویلي، بندې شوې ميرمن شپېته کلنه ده او د لس کلن بند له امله يې رواني توازن له لاسه ورکړی چې د تداوۍ په موخه د خوست ملکي روغتون ته ولیږدول شوه.د خوست امنیه قومندانۍ ویلپ، نیول شوي کسان به د ووستیو اجراتو په موخه عدلي او قضایي ارګانونو ته وسپارل شي.
تر دې وړاندې کابل کې هم د نېکبختې په نوم یوه مېرمن چې ورونو یې ۲۵ کاله د کور په یوه خونه کې زنداني کړې وه، خوشې شوه.
