shoornews.com
Related Articles
غزل
احمد احمدي
ستا دې کور ښکلي کعبې نه څنګه تاو شوم؟
ګناهګار وم له تـوبـې نـه څـــنـګه تاو شوم؟
لیـونی وم د وصـــال په شپه د خـیـال وو؟
ستـا د کـور لـه دروازې نه څـنـګه تاو شوم؟
مــا چــې هــیـلـې خــښــولــې وې ولاړه
تا لـیـدم د هــــدیـرې نـه څـنـګـه تاو شوم
ستـا تـګ زور راکـاوۀ بـل رقـم خـراب شـوم
هـغـه ورځ د مـخې ښـې نـه څنګه تاو شوم
ستـا د شـونـډو پـه شـرابـو امـوخــتــه یـم
پام دې دی د مـیـخانـې نـه څـنـګه تاو شوم
ابراهیـم پـشان پـه سرۀ اور کې سـاتـل وو
ستـا د حـسن د لـمـبـې نـه څـنـګـه تاو شوم
احـمــدي پـکـې تـصـویـر د یـار بـنـد کـړی
له یوې ماتـې ائـیـنـې نـه څـنـګه تاو شوم
